......................
عشان بيه النبي وصّى
ح اصلّي بكره ف الأقصى
وكل ولادِك الشُهدا
يكونوا إمام
وكل اللي بموت لجلِك
يكون قدّام
وإحناوراه نرد : آمين
وباحلف بكره يافلسطين
ولادِك كلّهم راجعين
ومهما طالت المحنه
ح نتجمّع سوا ف حطّين
وراجع لك"صلاح الدّين"
وميت مليون"صلاح الدّين"
بحبِك كلّهم حالفين
بإنّك ترجعي حُرّه
وتنسي سنينك المُرّه
وتجمع شمسك الطلّه
مابين غزّه ورام الله
يزهّر تاني ياسمينك
نشوف القدس ف جبينِك
ونتجمّع ف بستانك
شيوخك ويّا رُهبانك
نصلّي بُكره ف الأقصى
عشان بيه النبي وصّى
وقال : الأقصى قبلتنا
وأهل القدس عزوتنا
ح اصلّي بكره ف الأقصى
وإنتوا برضو ح تصلّوا
ودا وعد الإله للّي
يكون له حق يوصل له
صلاةالنصرف الأقصى
مسيرها بكره تجمعنا
صلاةالنصرف الأقصى
ح تمحي كل أوجاعنا
صلاةالنصر ف الأقصى
ومين عنهاح يمنعنا؟
محدش فينا ح يفرّط
ف دم شهيد
محدش فيناح يفرّط
وبكره أكيد
ح ييجي بكره ع الأقصى
بفجرجديد
مدام بيه النبي وصّى
فلازم تكمل القصّة
و لازم إن انا بُكره
ح اصلّي الفجرف الأقصى
.....................
للشاعر/ابراهيم عوض
من ديوان"حلم الوطن"
ليست هناك تعليقات:
إرسال تعليق